امریکا اور چین کے درمیان تعلقات نازک موڑ پر پہنچ گئے

امریکا اور چین کے درمیان تعلقات نازک موڑ پر پہنچ  گئے ہیں اور امریکی صدر ڈونلڈ ٹرمپ نے چین سے رابطے ختم کرنے کا عندیہ دیتے ہوئے کہا ہے کہ وہ فی الحال چینی صدر سے بات نہیں کرنا چاہتے اور وہ سب کچھ کر سکتے ہیں، اے ایف پی کے مطابق کورونا وائرس کے معاملے پر امریکی صدر چین سے ناخوش ہیں اور انہوں نے فوکس بزنس سے گفتگو کرتے ہوئے کہا کہ ہمارے اچھے تعلقات رہے ہیں لیکن فی الحال چینی صدر سے بات نہیں کرنا چاہتا، انہوں نے کہا کہ میں آپ کو ابھی بتارہا ہوں امریکا چین سے بدلے کا راستہ بھی چن سکتا ہے، امریکی صدر نے خاص طور پر کچھ نہیں بتایا لیکن ان کا لہجہ دھمکی آمیز تھا، ہمارے پاس کرنے کو بہت کچھ ہے اور ہم سب کچھ کر سکتے ہیں، ہم تمام تعلقات ختم کر سکتے ہیں۔

بشکریہ روزنامہ جنگ